Kandidati për kryeministër i koalicionit LAA, Avdullah Hoti në një intervistë për Rubikon të KTV-së foli për deklaratat e partnerit të tij, Behgjet Pacolli lidhur me ndërmjetësimin e bisedimeve mes LVV-së e koalicionit LAA.
Hoti tha se patjetër që roli i tij do të jetë i dukshëm në bisedime mirëpo ai duke qenë partnerë i LDK-së, do të qëndrojë në anën e koalicionit dhe LDK-së.
“Z. Pacolli do të jetë në anën tonë të tavolinës, bashkë me znj. Kusari – Lila dhe z. Qerkezi. Besoj se Pacolli ashtu siç ka qëndruar në konsistencë deri tash, do të vazhdojë”, ka thënë ai.
Hoti përmend edhe ardhje të reja e bashkime në LDK si përforcim për zgjedhjet lokale.