Open Data Kosovo (ODK) përmes një komunikate për medie ka prezantuar analizën rreth asaj sa janë të hapura komunat e Kosovës në raport me vendet e Ballkanit Perëndimor.
Në bashkëpunim me partnerët e rrjetit ballkanik të organizatave joqeveritate ACTIONSEE, Open Data Kosovo (ODK) ka bërë një analizë të politikave publike që e masin nivelin e transparencës, praktikave të hapura dhe llogaridhënies së pushtetit lokal të vendeve të Ballkanit Perëndimor, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë periudhën kohore nga muaji tetor deri në dhjetor të vitit 2016 anëtarët e rrjetit “ActionSEE” dhe Open Data Kosovo punuan në një hulumtim të detajuar, bazuar në metodologji shkencore përmes të cilit është analizuar sa të hapura janë qeverisja e nivelit lokal, duke marrë si mostër 144 komuna nga 6 vende dhe mbi 60 indikatorë për komunë. Kriteret që masin sa të hapura janë komunat fokusohen në katër fusha: Qasshmëria, Efikasiteti, Integriteti dhe Transparenca.
Qëllimi i këtij hulumtimi është të analizojë gatishmërinë e komunave për të shërbyer si institucione për nevoja të qytetarëve. Hapja e qeverisjes lokale për në studimin tonë përfshinë transparencën dhe efikasitetin e institucioneve si dhe komunikimin e tyre me qytetarët.
Në krahasimin rajonal të qeverisjeve lokale, Kosova gjendet gati në fund me vetëm 26.7% të kritereve të përmbushura. Shqipëria qëndron e fundit, shënon vetëm 12.1%, ndërsa Mali i Zi më i suksesshmi nga të gjithë vendet e Ballkanit Perëndimor përmbush 57.5% të tyre.
Komunat që i nënshtrohen vlerësimit u përzgjodhën rastësisht në një mostër, ato janë: Dragashi, Ferizaji, Drenasi (Gllogoc), Graçanica, Klina, Kllokoti, Malisheva, Mamusha, Mitrovica, Parteshi, Podujeva, Ranillugu, Shtërpca, Zubin Potoku, Zveçani. Nga këto: më të suksesshmet janë Mitrovica (59.8%), Dragashi (44.5%) dhe Podujeva (39.7%). Në fund të këtij vlerësimi gjenden komunat si: Zvecani, Zubin Potoku dhe Parteshi që kanë mbushur 0% deri në 1% të kritereve.
Problemet kryesore që u vërejtën janë ne fushën e komunikimit me publikun si dhe pjesëmarrjen qytetare ne vendimmarrje, monitorimin dhe vlerësimi i projekteve dhe politikave. Po ashtu, qeveritë lokale të Kosovës janë ndër më pak transparentet kur bëhet fjalë për buxhetin, informacionet organizative dhe transparenca e prokurimit publik.
Qeverisja e Hapur e Pushtetit Lokal në Rajon dhe Kosovë by info2536 on Scribd