Partia Socialiste është pranë një fitoreje historike në Shqipëri.
Deri tani janë numëruar mbi 62% të votave dhe PS po udhëheq bindshëm.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTeksa janë numëruar 3343 kuti, nga 5362 në total në të gjithë Shqipërinë, PS udhëheq me 47.85% të votave, e ndjekur nga PD me 28.25% të votave dhe LSI me 14.41% të votave.
Ndërsa PS sheh rritje të ndjeshme në vota në krahasim me 4 vite më parë, e kundërta ndodh me PD që është rrudhur në shifra në këto zgjedhje.
Por rritje në shifra nuk ka vetëm PS. Një rritje të ndjeshme ka edhe LSI që duket se do të ketë më tepër deputetë se në legjislaturën e lënë pas.
Ndërkohë që në Parlament duket se do të jetë edhe PDIU, edhe pse bazuar në numërimin e deritanishëm do të ketë më pak përfaqësues në Parlamentin e ardhshëm, raporton tch.
Sfida më e fortë po zhvillohet në Korçë, mes mandatit të 6 të PS-së dhe të 2-tit të LSI-së, që sjell ndryshime të shpeshta të mandateve të PS-së në 74-73 dhe LSI-së 18-19.
Bazuar tek numërimi deritanishëm, rezulton se projeksioni për ndarjen e mandateve është si më poshtë:
PS - 74 deputetë
PD - 43 deputetë
LSI - 18 deputetë
PDIU - 4 deputetë
PSD - 1 deputet