Presidenti i Republikës së Kosovës, Hashim Thaçi, sot ka pritur ministren e Mbrojtjes së Republikës së Sllovenisë, Andreja Katiç.
Në njoftimin për medie të Presidencës rreth këtij takimi, theksohet se presidenti Thaçi e ka falënderuar ministren Katiç për përkrahjen e vazhdueshme të Sllovenisë dhe ka shprehur gatishmërinë që bashkëpunimi i mirë ndërmjet dy vendeve të thellohet edhe më shumë në të ardhmen, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistren Katiç presidenti Thaçi e ka njoftuar edhe për bashkëpunimin rajonal të Kosovës.
“Kemi bashkëpunim të mirë bilateral, bashkëpunim politik, ekonomik dhe kulturor me vendet e rajonit, madje edhe me ato që nuk e kanë njohur Kosovën”, ka thënë presidenti Thaçi.
Presidenti Thaçi e ka njoftuar ministren Katiç edhe për transformimin e FSK-së në Forcë të Armatosur të Kosovës.
Ai ka thënë se Ushtria e Kosovës do të jetë forcë profesionale, në përputhje me standardet e NATO-s, shumetnike dhe në shërbim të të gjithë qytetarëve të Kosovës.
Ministrja e Mbrojtjes e Republikës së Sllovenisë, Andreja Katiç, është shprehur e kënaqur me bashkëpunimin në mes dy vendeve, thekson njoftimi.