Kryetari i Komunës se Deçanit, Rasim Selmanaj, i bindur se lideri i AAK-së, njëherësh i nominuari i koalicionit PAN për kryeministër, Ramush Haradinaj do ta formojë qeverinë e re, i ka kërkuar LDK-së që t’i bashkohet kësaj qeverisjeje.
Ai ka thënë se një qeveri e udhëhequr nga Haradinaj do të ishte një mundësi dhe shpresë për ndryshime.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSelmanaj, në një postim në Facebook, ka thënë se “nëse në LDK ka mbet diçka nga rugovizmi, atëherë ndjekeni rrugën e Ibrahim Rugovës i cili kishte bërë koalicion me Aleancën duke nominuar Ramush Haradinajn kryeministër”.
“Përderisa në zgjedhjet e fundit u bashkuat me PDK-në dhe Hashim Thaçin, pse të mos bashkoheni me Ramushin dhe koalicionit fitues PAN. Një qeveri e re me imazh të ri, e udhëhequr nga Ramushi, do të ishte një mundësi dhe shpresë për ndryshime”, ka shkruar Selmanaj.
“Unë du me besu se partitë politike kanë me reflektu pozitivisht në rrethanat e reja të krijuara pas zgjedhjeve të 11 qershorit”, ka përfunduar Selmanaj.