Lëvizja Vetëvendosje, përmes një komunikate për media, ka thënë se gjatë ditës së djeshme, “persona ende të paidentifikuar kanë sulmuar shtëpinë e kandidatit për deputet, Sadri Ramabaja, me ç’rast i janë shkaktuar dëme të shumta materiale”.
“Lëvizja Vetëvendosje e dënon ashpër këtë sulm vandal dhe fton organet e rendit që sa më parë të zbardhin të vërtetën, dhe fajtorët të vihen para drejtësisë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Veprimet e këtilla nuk e frikësojnë e as nuk e zmbrapsin asnjë aktivist nga radhët tona. Angazhimi ynë për një shtet ku mbretëron drejtësia, rendi e ligji, nuk merr fund nga asnjë lloj presioni apo dhune, nga kushdo qoftë”, përfundon reagimi i VV-së.
Rastin e ka konfirmuar edhe vetë Ramabaja, i cili, përmes një postimi në Facebook ka thënë se pamjet dhe demolimi “ma kujtuan veprimin e policisë politike të Serbisë në vitin 1983, kur më kishin arrestuar për herë të tretë”.
“Cak i urrejtjes së këtyre shantazhuesve, që Policia ka gjasa t'i cilësoj si hajna ordinerë, kishte qenë biblioteka dhe tavolina e punës. Duket që urrejtja është zbrazur pikërisht në atë dhomë pune, ku është përfunduar studimi voluminoz “Federata Shqiptare - Kohezioni i shtetit-komb në BE” dhe ku janë shkruar e kanë marrë rrugën e publikimit me dhjetëra e qindra analiza të miat të publikuara në mediat tona dhe jashtë”, ka thënë Ramabaja.
“Sidoqoftë, ne nuk do të ndalemi së vepruari politikisht”, ka theksuar ai.