Ish kryetari i Serbisë, Boris Tadiq, lidhur me Asociacionin e komunave me shumicë serbe, deklaroi se askush s’e di se a do të jetë institucion, apo organizatë joqeveritare.
“Është më se e vërtetë se AKS do të formohet në kuadër të ligjeve të Kushtetutës së Kosovës, të cilën e ka pranuar kjo qeveri e Serbisë”, deklaroi Tadiq për Radiotelevizinin e Vojvodinës, transmeton RTK.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTutje ai shtoi se mund të ndodh që në të ardhmen nuk do të dimë se në çfarë formati do të jetë AKS.
Kryetari i Partisë Socialdemokrate të Serbisë, Boris Tadiq, vlerësoi se Serbia duhet të kërkojë ndryshim të marrëveshjeve të Brukselit, në mënyrë që dialogu me Prishtinën të përfshihet edhe çështja e “trashëgimisë kulturore serbe” në Kosovë.
Tadiq për Radiotelevizionin e Vojvodinës deklaroi se "Marrëveshja e Brukselit" nuk ka përmbushur atë që është në interes të popullit serb, njoftojnë mediat serbe.
“Plani im nënkupton autonomi të plotë për veriun e Kosovës, ndërsa qeveria e tanishme serbe pranoi që rendi juridik të vlejë në atë rajon", deklaroi ish presidenti serb Tadiq.
Tutje kryetari i PSDS-së, Boris Tadiq, shtoi se duhet të ndryshohet marrëveshja e Brukselit, në mënyrë që në të ardhmen të vendoset edhe çështja e trashëgimisë kulturore në Kosovë, ngase, si po duket, ne do ta humbasin shumicën në UNESCO.