Përfshirja e personave në listat zgjedhore për kandidatë, të cilët kanë probleme me ligjin, mbetet në vullnetin e partive politike. Kjo pasi legjislacioni aktual ndalon përfshirjen në lista vetëm të atyre personave që janë dënuar me vendim të plotfuqishëm të gjykatave, shkruan sot Koha Ditore.
Derisa partitë politike nuk kanë treguar nëse do të përfshihen në lista personat që kanë aktakuza, diplomatë të huaj kanë bërë thirrje që vija e kuqe të jetë aktakuza dhe dënimi i gjykatës. Zëdhënësja e Ambasadës së Shteteve të Bashkuara në Prishtinë, Michelle Schohn, ka thënë për “Kohën Ditore” se shpresojnë që ata të cilët janë të përfshirë në afera korrupsioni mos të jenë listat e kandidatëve për deputetë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Siç tha ambasadori Delawie gjatë një interviste javën e kaluar se është shumë e rëndësishme që të gjitha partitë politike të kenë parasysh kë e përfshijnë në listat e tyre të kandidatëve, dhe të zgjedhin njerëz që mund të frymëzojnë rininë e Kosovës dhe që vënë në rend të parë interesat më të mira të Kosovës dhe qytetarët e saj”, ka thënë Schohn.
“Në të kaluarën ne kemi dhënë mbështetje kur zyrtarët e zgjedhur kanë dhënë dorëheqje, kur u është ngritur padi penale; ngjashëm, ne shpresojmë se të gjithë ata që janë njollosur nga korrupsioni nuk do të paraqiten në listat e kandidatëve”, ka shtuar ajo... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.