Këta kamionë janë zënë duke futur në Kosovë derivate të naftës kontrabandë, ndërsa këta kombi kanë tentuar të futen nga Serbia me ilaçe kontrabandë.
Në këtë hapësirë në dalje të Prishtinës janë të vendosur lloj-lloj automjetesh që janë të konfiskuar, numri i të cilave kalon mbi 1000 sosh, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKa një kohë të gjatë që kjo agjenci ka nisur projektin për krijimin e një platforme elektronike, përmes së cilës do të organizoheshin ankandet e shitjes, si të automjeteve, ashtu edhe të gjësendeve tjera që janë konfiskuar.
Mirëpo, kjo platformë pasi thuajse ishte gati, u desh të ndryshohej.
Në bazë të rregullores për përcaktimin e kritereve dhe procedurës së përdorimit apo shfrytëzimit të mallrave të konfiskuara nga Dogana lejohet që të njëjtat të përdoren nga institucionet e shtetit, pasi një gjë e tillë lejohet prej Komisionit të formuar për këtë çështje.
Zyrtarë të Doganave thonë se ka raste kur përdorin për nevoja të veta veturat e konfiskuara, por nuk dihet nëse njëjtë veprojnë edhe institucionet tjera, pasi një pjesë e automjeteve mund të futen në përdorim.
Përdorimi i tyre do të mund të eliminonte sindromën që ndodh çdo vit, ku institucionet e ndryshme ndajnë mijëra euro për blerje të automjeteve të reja.
Përpos këtij parkingu, janë edhe dy parkingje që kanë automjete të konfiskuara për arsye të ndryshme.