Një ditë pasi që kishte publikuar fotografinë nga takimi me presidentin amerikan Donald Trump, që ka ndodhur gjatë janarit të këtij viti, kryetari i Kuvendit të Kosovës, Kadri Veseli ka thënë se mbetet i privilegjuar që ishte lideri i vetëm nga Ballkani, që takoi njeriun më të fuqishëm të politikës botërore.
“Takimi im me presidentin Trump, është një takim që në rend të parë i shërben interesit të qytetarëve tanë, i shërben Kosovës”, citon REL të ketë thënë Veseli.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Unë kam qenë shumë i gëzuar, krenar për jo vetëm faktin se kam pasur fatin që vetëm unë nga liderët e Ballkanit ta takoj një personalitet të tillë të fuqishëm, por kam qenë i entuziazmuar, më lejoni ta them këtë, për popullin tim”, është shprehur Veseli.
Ai tha se në momentin kur janë përcjellë shumë mesazhe se cila do të jetë politika e ardhshme amerikane nën udhëheqjen e presidentit Trump, ishte nder që një lider nga Kosova të takohet me një personalitet të tillë.
“Vërtetë është një bekim për popullin e Kosovës dhe një falënderim i veçantë për Kosovën”, ka theksuar Veseli.
“Ne jemi të bekuar me partneritetin që e kemi me vendet më të fuqishme perëndimore, ta mbajmë e kultivojmë këtë bekim dhe mos të lëmë të ftohet ky partneritet”, ka thënë kryetari i Kuvendit të Kosovës.