Tiranë, 13 prill - Kryetari i Partisë Demokratike(PD), Lulzim Basha, në një deklaratë të publikuar mbrëmjen e së mërkurës, thotë se opozita e mbështet vetingun sipas parashikimeve kushtetuese të 22 korrikut. Basha thotë se ka vetëm një garanci për largimin e gjyqtarëve dhe prokurorëve të korruptuar: një veting i pavarur dhe këtë veting do të bëjmë në Republikën e Re, shprehet ai.
“Pjesë thelbësore e reformës së 22 korrikut, ishte dakordësia për miratimin konsensual të shtatë ligjeve të zbatimit të reformës në drejtësi. Por, kjo dakordësi, shprehet Basha, u shkel nga Edi Rama, pasi 6 nga këto 7 ligje u kaluan pa konsensus, duke e përjashtuar opozitën me qëllimin për të shkatërruar reformën e vërtetë në drejtësi dhe për ta kthyer atë në një fasadë pas së cilës të fshihen të qetë të gjithë të korruptuarit dhe kriminelët”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKreu i PD-se përsëriti se opozita është ‘pro’ vetingut sipas parashikimeve kushtetuese të 22 korrikut për vetingun. Ligji i miratuar në mënyrë të njëanshme nga Edi Rama nuk ka lidhje me këtë reformë dhe nuk i shërben vetingut, por kapjes së këtij procesi, për të kapur pastaj gjithë aparatin e drejtësinë.
Sipas Bashës, ka vetëm një garanci për largimin e gjyqtarëve dhe të prokurorëve të korruptuar: një veting i pavarur. Këtë veting do të bëjmë në Republikën e Re.
Ne do të votojmë nga e para ligjin për vetingun dhe pesë ligjet e tjera të zbatimit të reformës në drejtësi, sipas marreveshjes se 22 korrikut, për t’i kthyer ato tek fryma dhe gërma e 22 korrikut dhe, mbi të gjitha, për të garantuar një drejtësi të pavarur nga politika dhe nga krimi. Por së pari duhet të bëjmë zgjedhje të lira, përfundon deklarata e kryetarit të PD-së.