Zgjedhjet lokale

Hapen vendvotimet për zgjedhjet në Istog

Qytetarët e Komunës së Istogut do t’ju drejtohen kutive të votimit gjatë ditës së sotme me fillim nga ora 07:00 deri në orën 19:00.

Raportohet se të gjitha vendvotimet, 63 sosh në 23 qendra të votimit, tashmë janë hapur për garën në mes të kandidatit të LDK-së, njëherësh kryetarit aktual, Haki Rugova dhe kandidatit të AAK-së, Gani Dreshaj.

Rivotimi në Komunën e Istogut do të mbahet pas vendimit të PZAP-së, i cili ka pranuar si të bazuar ankesën e LDK-së, e cila kishte kërkuar që të anulohen votat me postë.