Zgjedhjet lokale

Përmbyllet numërimi i votave, vazhdon transmetimi i rezultateve nga KQZ

Zëdhënësi i KQZ-së Valmir Elezi, ka thënë për Koha.net se edhe sot do të vazhdojë transmetimi i rezultateve për kryetarë komunash e për asamblistë deri sa të dalin rezultatet përfundimtare.

Ka thënë se numërimi i fletëvotimeve është përmbyllur të dielën në mbrëmje në vendvotime.

“Transmetimi i rezultateve në faqen e KQZ-së do të vazhdojë edhe sot gjatë ditës”, ka thënë ai.

Ai për Koha.net ka thënë se aktualisht janë duke pranuar materialet nga të gjitha komunat e Kosovës.