Video

Importi i madh i grurit nga Serbia e lë Kosovën me 14 mijë hektarë më pak grurë të mbjellë

Rreth 14 mijë hektarë me pak grurë janë mbjellë këtë vit në tokat e Kosovës, në krahasim me vitin paraprak.

Nga Sindikata e bujqve, fajtor për këtë e bëjnë importin e madh të grurit nga Serbia.

Kryetari i Federatës Sindikale të Bujqve, Tahir Tahiri, thotë se sipas raporteve nga terreni, Kosova nuk ka më shumë se 50 mijë hektarë me drithëra të bardha, raporton KTV.

Zyrtarë të Ministrisë së Bujqësisë kanë thënë se çdo vit këto sipërfaqe janë duke u tkurrur për shkak të çmimit të ulët dhe sasisë së madhe të importit nga Serbia.

Çmimi për një kilogram grurë të prodhuar në Kosovë, kushton nga 0.10 deri në 0.14 cent.