“Na duhen më shumë idealistë, na duhet zëri i tyre”, ishte motoja rreth secilës e Arzana Kraja e realizoi filmin e parë të metrazhit të gjatë.
Miq, familjarë e bashkëpunëtorë të saj, u bënë bashkë në Teatrin Kombëtar të Kosovës, për ta nderuar veprimtarinë e saj artistike.
Nga Shkumbin Istrefi, Arzana Kraja u kujtua si mike dhe film-bërëse që nuk bënte kompromis me vlerat.
Arzana Kraja, studimet i kishte përfunduar në Degën e Regjisë në Fakultetin e Arteve të Universitetit të Prishtinës.
Së fundmi, ajo ishte shumë pranë mbrojtjes se diplomës në studimet e nivelit Master. Mentori i temës, Zymber Kelmendi, në këtë takim përkujtimor e kumtoi edhe rezultatin e punimit të saj.
Arzana Kraja u vlerësua si skenariste e ideve të thella.
Për më shumë se një minutë, miqtë e saj dhuruan duartrokitje nga ulëset e sallës së madhe në Teatrin Kombëtar të Kosovës.
-
15 nëntor 2019 19:23
-
Shpërndaje në: