Prokurori Special, Robert Mueller, ka kundërshtuar një raport të mediave amerikane, në të cilin theksohet se presidenti Trump i tha avokatit të tij Michael Cohen të gënjejë në Kongres, transmeton KTV.
Muelleri tha se raporti nga Buzzfeed News është i pasaktë. Sipas këtij mediumi, Coheni u kishte thënë hetuesve se Donald Trump e kishte udhëzuar atë të gënjejë rreth planeve për të ndërtuar një ndërtesë në Moskë.
Edhe vetë presidenti Trump e mohoi raportin, duke thënë se ish-avokati i tij kishte gënjyer për ta ulur dënimin. Politikanët demokratë kanë thënë se do t’i hetojnë akuzat.
Përndryshe, prokurori Mueller po heton ndërhyrjen e supozuar ruse në zgjedhjet presidenciale amerikane dhe nëse shtabi i Trumpit kishte bashkëpunuar me Moskën.
-
19 janar 2019 19:41
-
Shpërndaje në: