Behgjet Pacolli, edhe njëherë tjetër, i ik përballjes me deputetë për skandalet në diplomacinë kosovare.
Pavarësisht se u kishte premtuar deputetëve se pas Interpolit ai do të vinte në seancë plenare, këtë nuk e bëri.
Por, kjo nuk i pengoi deputetët që të bënin për rreth shtatë orë debat për skandalet diplomatike e për tentimin e Presidentit që t’i korrigjojë kufijtë.
Aty, me rezolutë, u kërkua dorëheqja e gjithë Kabinetit Qeveritar.
Vetë kryeministri, i cili në pjesën e parë të seancës kishte zgjedhur të ishte në sallën plenare, ka pranuar se politika e jashtme ka shumë të meta.
Në këtë seancë, Kryeministri foli para deputetëve për taksën 100 përqind që u vendosi produkteve të Serbisë, derisa tha se kjo nuk duhet të hiqet derisa Serbia ta njohë Kosovën.
Por, nga partia e kryeministrit duan akoma më shumë.
Rezoluta e cila kërkonte dorëheqjen e Qeverisë e harmonizuar vetëm mes Vetëvendosjes e LDK-së nuk arriti t’i marrë votat e mjaftueshme në fund të debatit.
Pavarësisht pranisë fizike të 61 deputetëve në sallë, për këtë rezolutë votuan 35 deputetë, derisa një ka abstenuar.
-
22 nëntor 2018 20:10
-
Shpërndaje në: