Partnerët e koalicionit kanë dallime sa i përket procedimit të Projektligjit për ratifikimin e Marrëveshjes së demarkacionit me Malin e Zi.

Në mungesë të ujdisë, nëpërmjet së cilës PDK-ja dhe LDK-ja zotohen se do t’i bëjnë votat brenda grupeve përkatëse parlamentare, Qeveria është rezervuar t’ia përcjellë Projektligjin organit ligjvënës, raporton TV ARTA.

Një burim i afërt brenda koalicionit i ka thënë “Kohës Ditore” se vota kundër ka prej dy partive, por sipas tij, PDK-ja po e prezanton situatën kinse i gjithë faji është te deputetët e LDK-së.

Sipas burimit, kjo po bëhet për shkak të frikës se kjo çështje mund të shkaktojë përçarje brenda PDK-së, rrjedhimisht edhe humbje të votave në zgjedhjet e ardhshme. Por analistët i kanë bërë përgjegjës të dy partnerët e koalicionit për çështjen e demarkacionit.