Video

70 vjeçari nuk arriti t’u mbijetojë plagëve që mori në vendin e tij të punës, vdiq në QKUK

70-vjeçari, Ragip Syla, ka vdekur si pasojë e lëndimeve të marra në vendin e tij të punës.

Ky është rasti i dytë brenda tri javësh në Komunën e Prizrenit, raporton KTV.

Sipas policisë, ai fillimisht ishte dërguar për tretman mjekësor në qendrën spitalore rajonale Prizren, e më pas edhe në QKUK, ku edhe ka vdekur.

Rastit i janë përgjigjur njësitet relevante policore.

Në fshatin Lubizhde te komunës së Prizrenit një i moshuar derisa ishte duke punuar në zdruktharinë mbrapa nesh kishte rënë nga disa metra lartësi dhe nga lëndimet e marra kishte vdekur në QKUK.

E derisa të dalë raporti i obduksionit, vdekja e të moshuarit nga fshati Celinë e Komunës së Rahovecit është cilësuar si aksidentale.

KTV-ja ka provuar të marrë një qëndrim edhe nga pronarët e zdrukthtarisë, mirëpo kontakti me ta ka qenë i pamundur.

E, më 30 qershor ka humbur jetën një 17-vjeçar në vendin e tij të punës në një fabrikë në rrethinë të Prizrenit.