-
Çeviren: Vita Abrashi-Kajtazi
- 10 Eylül 2026 13:20
- Şurada paylaş:
Reperja amerikane, Megan Thee Stallion ka zbuluar se po punon për një serial të ri të animuar, ku do t’i japë zërin edhe personazhit të saj.
Thee Stallion po zgjeron aktivitetin e saj artistik, të cilin po e zhvillon së bashku me Carl Jones, krijuesin e serialit të animuar “The Boondocks”.
için bir röportajda InStyle, reperja 31-vjeçare ka thënë se ishte pikërisht ajo që i propozoi Jonesit të punonin së bashku.
“I thashë: Carl, dua serialin tim në stilin anime dhe nuk do të doja ta bëja me askënd tjetër përveç teje”, ka treguar ajo.
The Stallion do t’i japë zërin personazhit të saj dhe thotë se puna me dublimin ka qenë një sfidë e re për të.
“Të hyj në studio dhe të jem Megan Thee Stallion është e lehtë. Mund të regjistroj diçka dhe e di menjëherë me çfarë zëri do ta bëj. Por t’i japësh zë një personazhi është krejt ndryshe”, ka thënë ajo.
Reperja ka treguar se në fillim nuk ishte e kënaqur me mënyrën si kishte interpretuar zërin e personazhit.
“Kur e pashë për herë të parë, thashë: ‘Oh, jo! E bëra shumë pa emocione. Duhet të jem më ekspresive’. Duhet të ndryshoj intonacionin këtu e atje. Por po argëtohem shumë duke bërë dublimin”, u shpreh ajo.
Ndërkohë, regjisorja Nneka Onuorah, e cila realizoi dokumentarin e Prime Video “Megan Thee Stallion: In Her Words”, e ka vlerësuar reperen për forcën dhe qëndrueshmërinë e saj.
“Shumica prej nesh thonë se jemi të fortë, por nuk kemi përjetuar kurrë që miliona njerëz të gënjejnë për ne dhe të thonë gjëra negative çdo ditë. E admiroj qëndrueshmërinë e Megan dhe faktin që ajo arriti të dalë sërish në krye. Për mua, ajo është vërtet mishërimi i forcës”, ka thënë Onuorah.
Në dokumentar, Megan flet edhe për periudhën e vështirë pas plagosjes me armë në këmbë në vitin 2020. Sipas Onuorah, historia e saj mbetet e afërt me shumë njerëz, pavarësisht famës dhe suksesit.
“Ky film është një dritare e hapur drejt zemrës së Megan gjatë një prej periudhave më të vështira të jetës së saj. Ai tregon se si pikëllimi dhe depresioni mund të ndikojnë në jetën dhe përvojat tona. Ka kaq shumë dhimbje në botë tani, prandaj mendoj se kjo histori është kaq e afërt me njerëzit”, ka thënë ajo.