Një person është gjetur pa shenja jete të shtunën mbrëma në Ferizaj, ndërsa rasti po hetohet si vdekje e dyshimtë.
Sipas Policisë së Kosovës, njësiti policor, pas pranimit të informatës për rastin, ka dalë në vendin e ngjarjes së bashku me ekipin mjekësor.
Në trupin e viktimës, mashkull, dyshohet se janë vërejtur shenja të dhunës fizike. Vdekjen e tij e ka konstatuar ekipi mjekësor në vendin e ngjarjes.
Me urdhër të organeve kompetente, trupi i pajetë është dërguar në Institutin e Mjekësisë Ligjore (IML) për obduksion. Hetimet për zbardhjen e rrethanave të vdekjes janë duke vazhduar.