Një burrë është therur me thikë të enjten në rrugën “Adem Jashari” në Viti.
Për rastin që është cilësuar si “Vrasje në tentativë” policia ka njoftuar se dyshohen dy persona.
Njëri është arrestuar, ndërsa tjetri gjendet në arrati.
“Raportohet se dy të dyshuar meshkuj kosovarë, kanë therë me thikë viktimën mashkull kosovar. Viktima është dërguar për tretman mjekësor në Spitalin e Gjilanit. Lidhur me rastin, një i dyshuar është arrestuar dhe me vendim të prokurorit është dërguar në mbajtje, ndërsa tjetri gjendet në arrati”, thuhet në raportin 24-orësh të Policisë.