Şeholi, Kurti hapisteyken baskı yoluyla onu kendi saflarına katmak amacıyla Sırbistan tarafından derlenen bir belgeyi dağıttı.

Prokuroria Speciale e Republikës së Kosovës ka ngritur aktakuzë ndaj të pandehurit Fatmir Sheholli për dy vepra penale, “Spiunazh” dhe “Shantazh”.

Në aktakuzën e siguruar nga KOHA, tregohet se në telefonin e të akuzuarit Sheholli është gjetur një dokument i emërtuar “Leptiri”, i cili ishte përpiluar nga struktura të Sigurimit Shtetëror të Serbisë në vitin 2001 dhe i cili përshkruan një plan operativ për komprometimin dhe rekrutimin e tashmë kryeministrit në detyrë, Albin Kurti, gjatë kohës së vuajtjes së dënimit në burgjet e Serbisë.

Me anë të atij materiali, synohej ushtrimi i presionit ndaj Kurtit për bashkëpunim me RDB-në. 

Nga hetimi sipas aktakuzës, rezulton se Sheholli këtë dokument e ka përcjellë te persona të ndryshëm si dhe ka kërkuar përkthimin e tij nga gjuha serbe në gjuhën shqipe. 

“Këto veprime, të vlerësuara së bashku me komunikimet dhe materialet e tjera të evidentuara në telefonin e të pandehurit, janë relevante për të dëshmuar kontaktet, lidhjet dhe bashkëpunimin e tij me persona dhe struktura të ndërlidhura me shërbimet e sigurisë serbe, si dhe rolin e tij në përcjelljen dhe shpërndarjen e materialeve me origjinë nga këto struktura”, thuhet mes tjerash në aktakuzën e siguruara nga KOHA në pjesën ku flitet për Kurtin.

Tutje thuhet se kjo dëshmi e sekuestruar nga Sheholli është dokument i nënshkruar nga shefi i sektorit III të Sigurimit Shetëror Serb (RDB).

Në aktakuzën e Prokurorisë Speciale thuhet se nga vetë dëshmia e të pandehurit vërtetohet se “nga është prejardhja e këtij dokumenti?

Ayrıca GÜNLÜK 6 dakika önce Sheholli'nin telefonunda "Çok Gizli 2" belgesi bulundu, Sırbistan'ın amacı "Kosova'yı Kandahar'a dönüştürmek".

- I pandehuri: Kete dokument ma ka dergu Bojan Dimic ne telefonin tim.

- Prokurori: Kujt ia keni shprëndarë dokumentin “ Leptiri” që e keni marrë nga Bojan Dimic?

- I pandehuri: Kete ia kam dergu Milazim Gashit, nje mikut tim i cili eshte ne SHISH te Shqiperise me emrin Dritan Gjoni – Shef i SHISHIT në Durres, ja kam dergu Blerim Canaj dhe nje personi me emrin Bashkim Pushkolli por nuk jam i sigurte a ia kam dergu.