Real Madridi i ka dorëzuar UEFA-s një numër të madh dokumentesh lidhur me rastin Negreira, ndërsa institucioni evropian ka konfirmuar se materialet do të shqyrtohen në kuadër të procedurës që është duke vazhduar.
Real Madridi ka shtuar presionin ndaj UEFA-s për rastin Negreira, duke i dorëzuar institucionit evropian dokumentacion të gjerë që lidhet me hetimet për pagesat e Barcelonës ndaj Jose Maria Enriquez Negreiras, ish-zëvendëspresidentit të Komitetit Teknik të Arbitrave në Spanjë.
UEFA ka konfirmuar pranimin e materialeve dhe ka bërë të ditur se ato do të analizohen nga organet përkatëse të etikës dhe disiplinës.
Institucioni evropian, megjithatë, nuk ka paralajmëruar ndonjë vendim të menjëhershëm.
Barcelona ka deklaruar ndërkohë se pagesat kanë qenë për shërbime dhe raporte teknike lidhur me arbitrimin, duke mohuar se ato kanë pasur për qëllim ndikimin në rezultatet e ndeshjeve.