Sulmuesi i Spartak Moskës, Manfred Ugalde, ka folur rreth raportit që ka krijuar me Mirlind Dakun.
Ai ka theksuar se Daku është shumë miqësor dhe lojtar i mirë.
“Në ndeshjen kundër Baltikës, shënova nga pasimi i tij. Jemi të ndryshëm në personalitet, por mund ta plotësojmë njëri-tjetrin. Ai është më i fuqishëm dhe unë jam më aktiv në shfrytëzimin e hapësirave. Mendoj se trajneri është i lumtur që ka një zgjedhje të tillë”, ka thënë Ugalde.
Daku 28-vjeçar ka shënuar një gol dhe ka asistuar një herë në gjashtë paraqitje me fanellën e Spartakut.