Mbrojtësi spanjoll, Sergio Ramos, është shfaqur si opsion për përforcimin e Getafes.
Ramos mund të kthehet në futbollin spanjoll, me Getafen që po shqyrton mundësinë e transferimit të mbrojtësit me përvojë.
Sipas mediumit spanjoll “Mundo Deportivo”, presidenti i Getafes, Angel Torres, ka konfirmuar se ka pasur kontakte me Rene Ramosin, vëllain dhe agjentin e legjendës së Real Madridit.
Aktualisht nuk ka marrëveshje të konfirmuar mes palëve.
Ramos, ish-kapiteni i Realit dhe një prej mbrojtësve më të njohur të futbollit spanjoll, është në kërkim të një klubi të ri pas largimit nga skuadra meksikane, Monterrey.
40-vjeçari në Spanjë ka luajtur edhe për Sevillan, kurse ka qenë pjesë edhe e Paris Saint-Germainit.