Në dokumente të reja gjyqësore, FIFA ka akuzuar UEFA-n për “fushatë dezinformimi” dhe përpjekje për të ndikuar në garën për zgjedhjet presidenciale të saj.
FIFA gjithashtu ka përshkruar sjelljen e UEFA-s si veprim në “mirëbesim të munguar dhe me qëllim ngacmimi”.
Muajin e kaluar UEFA dorëzoi dokumente ligjore në SHBA duke kërkuar zbulimin e provave dhe dokumenteve nga FIFA, duke paralajmëruar se mund të paraqiste kallëzim penal në Zvicër.
UEFA, që drejton futbollin në Evropë, e ka akuzuar presidentin e FIFA-s, Gianni Infantino, për “keqmenaxhim kriminal” lidhur me idenë e tij për të shitur aksione të Kupës së Botës tek investitorët privatë.
Në përgjigjen e dhënë të hënën mbrëma, Federata Ndërkombëtare e Futbollit (FIFA), deklaroi se dokumentet e dorëzuara nga UEFA përmbanin “deklarata të shumta të rreme ose mashtruese rreth FIFA-s dhe Infantinos”.