Filipinler'de yolcu feribotunda yangın çıktı, beş kişi öldü, onlarca kişi kayıp.

Një operacion i madh kërkim-shpëtimi po zhvillohet të enjten në brigjet e ishullit perëndimor filipinas Palawan, pasi një traget pasagjerësh u përfshi nga zjarri, duke shkaktuar vdekjen e pesë personave dhe duke lënë dhjetëra pasagjerë të zhdukur.

Roja Bregdetare e  Filipineve tha se në kërkim të të mbijetuarve janë angazhuar disa anije dhe mjete të tjera, ndërsa ekipet e shpëtimit po përdorin modele të lëvizjes së rrymave detare për të përcaktuar zonat ku njerëzit mund të jenë bartur nga rrymat.

Bazuar në manifestin e anijes, numrin e të mbijetuarve, i cili  aktualisht është 43, si dhe viktimat e raportuara deri më tani, autoritetet vlerësojnë se më shumë se 80 persona ende konsiderohen të zhdukur, megjithëse shifrat mund të ndryshojnë.

Zëdhënësja e Rojës Bregdetare, komandantja Noemie Cayabyab, tha se ekipet e shpëtimit ende nuk kanë mundur të hyjnë në traget. Kërkimet po vështirësohen nga tymi i dendur që vazhdon të dalë nga anija, si dhe nga shqetësimet për temperaturat ekstreme dhe rrezikun e shpërthimeve.

Pamjet e marra nga dronët dhe të publikuara nga Roja Bregdetare tregojnë tragetin e nxirë nga zjarri, të rrethuar nga ujërat e kthjellëta. Anija vazhdonte të nxirrte tym disa orë pasi zjarri shpërtheu të mërkurën mbrëma.

Cayabyab tha se sipas informatave, në bordin e anijes ndodheshin gjithsej 117 pasagjerë dhe 17 anëtarë të ekuipazhit. Trageti ishte nisur nga Baseco në Manila dhe po udhëtonte drejt Coronit, një destinacion i njohur turistin në Palawan, i famshëm për vendet e zhytjes, plazhet dhe ekskursionet mes ishujve.

Mes 43 personave të shpëtuar janë edhe shtetas kilianë, tha Aileen Ausente, zëdhënëse e PCG-së në Palawan. Ajo shtoi se mjetet ajrore ishin në gatishmëri për të ndihmuar në operacionet e shpëtimit, nëse kushtet atmosferike do ta lejonin.

Trageti i përfshirë nga zjarri kishte lëvizur më tej nga vendi fillestar gjatë natës, i bartur nga rrymat detare dhe erërat, duke i shtuar vështirësitë me cilat përballen ekipet e shpëtimit, tha Cayabyab.

Yangının çıkış nedeni araştırılıyor.