-
Çeviren: Blerta Haxhiu
- 24 Ekim 2026 15:10
- Şurada paylaş:
Rreth 1.200 palestinezë janë detyruar të largohen nga shtëpitë e tyre në Hebron, në Bregun Perëndimor të pushtuar, pas një operacioni të ushtrisë izraelite.
Lajmi u bë i ditur të shtunën nga një zyrtar palestinez, i cili paralajmëroi se rreth 1.300 persona të tjerë rrezikojnë të humbasin shtëpitë e tyre, raporton Reuters.
Ndërkohë, organizata joqeveritare Klubi i të Burgosurve Palestinezë njoftoi se forcat izraelite kanë arrestuar rreth 70 palestinezë gjatë së premtes dhe së shtunës. Zyrtarët izraelitë nuk kanë komentuar mbi këto arrestime.
Operacioni ushtarak nisi pas sulmit të së premtes, kur dy persona të armatosur palestinezë hapën zjarr ndaj një pike kontrolli ushtarake pranë Hebronit, duke vrarë dy ushtarë izraelitë.
Sipas ushtrisë, operacioni në lagjet Al-Jaladah dhe Ein Deir Baha, pranë hyrjes së Hebronit, synon gjetjen e personave të armatosur dhe sekuestrimin e armëve. Ushtria njoftoi gjithashtu se do të shembë ndërtesa.
Pas incidentit, kryeministri izraelit Benjamin Netanyahu njoftoi se ushtria do të ndërmerrte një operacion në shkallë të gjerë.
Ndërkaq, Autoriteti Palestinez e dënoi operacionin, duke e cilësuar atë si “ndëshkim kolektiv”.