-
Çeviren: Flutura Gashi-Mehmeti
- 24 Ağustos 2026 13:37
- Şurada paylaş:
Kremlini ka paralajmëruar për përshkallëzim të tensioneve mes Britanisë së Madhe dhe Rusisë, ndërsa Andy Burnham mbërriti në Kiev për t’i dorëzuar Ukrainës skemat e sapodeklasifikuara, të cilat do t’i mundësojnë Kievit zyrtar të përmirësojë prodhimin e raketave me rreze të gjatë veprimi.
Në udhëtimin e tij të parë jashtë vendit si kryeministër i Britanisë, Burnham do t’i japë Ukrainës informacione të klasifikuara më parë mbi komponentët e prodhuar në Britani për raketat me rreze të gjatë veprimi “Storm Shadoë”.
Zëdhënësi i Vladimir Putinit, Dmitry Peskov, ka thënë se ky shkëmbim do të hidhte “benzinë në zjarr” dhe do të pengonte çdo përpjekje drejt një marrëveshjeje paqeje.
Gjatë qëndrimit në Kiev, Burnham do të marrë pjesë në një konferencë telefonike me 34 liderë të
“Koalicionit të të Vullnetshmëve”, vende që janë zotuar të ndihmojnë në garantimin e sigurisë së Ukrainës në rast të një armëpushimi me Rusinë.
Moska ka thënë se do të identifikojë dhe shkatërrojë vendndodhjet e objekteve të prodhimit të raketave.
Ayrıca
Fransa'da protestolar patlak verdi, onlarca kişi tutuklandı
“Britania është e përfshirë në këtë luftë në anën e regjimit të Kievit”, u ka thënë Peskov gazetarëve.
“Britania në mënyrë metodike dhe të vazhdueshme hedh benzinë në zjarr dhe në mënyrë metodike dhe të vazhdueshme harton skema për të penguar edhe përparimin më të vogël në procesin e zgjidhjes paqësore”, ka shtuar ai.
Kievi ishte përgatitur për një tjetër valë sulmesh me raketa ruse, ndërsa sot shënon Ditën e Pavarësisë, ku morën pjesë edhe liderë të tjerë evropianë së bashku me Burnham.
Vendimi i kryeministrit për të deklasifikuar informacionet mbi komponentët e prodhuar në Britani për raketat Storm Shadoë do t’i mundësojë Ukrainës që përfundimisht të prodhojë versionin e saj të këtyre raketave, megjithëse ky proces mund të zgjasë me vite.
“Jam krenar për kontributin që vendi ynë ka dhënë për Ukrainën dhe dua që populli ukrainas ta dëgjojë drejtpërdrejt nga unë se mbështetja jonë nuk do të lëkundet. Në fund të fundit, siguria e Ukrainës është siguria jonë. Miqësia mes dy vendeve tona do të zgjasë shumë më tepër se lufta e paligjshme e Rusisë. Si në luftën që po zhvillohet, ashtu edhe në rindërtimin që do të vijë, ne do të qëndrojmë me Ukrainën dhe do të krijojmë mundësi për njerëzit në të dyja vendet tona”, ka deklaruar Burnham.
Ayrıca
Burnham: Rusya'dan gelen tehditlere rağmen Ukrayna'ya yardıma devam edeceğiz.
Kievi zyrtar ka thënë se Rusia po grumbullon më shumë raketa balistike dhe po shqyrton mundësinë e mobilizimit të 300,000 ushtarëve të tjerë. Raketa të tilla janë përdorur për të bombarduar infrastrukturën dhe magazinat ukrainase, si dhe për të sulmuar kryeqytetin, duke shkaktuar një rritje të viktimave civile.
Ukraina po përballet me mungesë të interceptorëve Patriot të prodhuar në SHBA, të cilët janë e vetmja armë që mund t’i kundërvihet në mënyrë efektive këtyre raketave.
