Bombalı saldırı planı şüphesiyle tutuklanan beş kişiden biri polisi aramıştı.

Njëri nga pesë burrat e arrestuar pranë bazës së Forcave Ajrore Mbretërore (RAF) në Fairford, në orët e para të mëngjesit të së dielës, kishte telefonuar vetë në numrin e emergjencës 999, ka mësuar BBC-ja.

I dyshuari kishte telefonuar policinë në orën 00:45 sipas kohës britanike, pothuajse një orë para se edhe një fermere të telefononte në 999, pasi kishte parë burra me maska.

Pesë burrat janë arrestuar fillimisht nën dyshimin për vepra penale që lidhen me eksplozivët dhe më vonë për vepra terroriste, pasi u vunë re tre furgonë, duke shkaktuar një incident të madh sigurie pranë bazës në Gloucestershire, e cila operohet nga ushtria amerikane.

Ata janë liruar me kusht të hënën, teksa policia e ka përshkruar këtë si një “vendim hetimor”, të “bazuar në përvojë dhe strategji”.

Policia ka thënë se gjatë kontrolleve të furgonëve është gjetur një sasi benzine, por nuk janë gjetur pajisje shpërthyese.

Policia është njoftuar për “tri automjete të dyshimta” në Ëhelford, një fshat që ndodhet drejtpërdrejt në lindje të bazës, nga fermerja.

Ajo i ka thënë BBC-së se ishte “thjesht fat” që kishte arritur t’i shihte, pasi kur ishte kthyer në shtëpi kishte gjetur rrugën të bllokuar dhe një “grup të madh burrash me kapuçë dhe maska”.

“Besoj se telefonata ime në 999 i prishi planet që ata kishin”, ka thënë ajo.

Një ekip për çaktivizimin e bombave ka mbërritur në vendngjarje pak më vonë dhe është vendosur një perimetër sigurie prej 400 metrash. 

Pesë burrat janë të gjithë shtetas britanikë, të moshave nga 23 deri në 25 vjeç. Katër prej tyre jetojnë në Westminster dhe një në Camden, ndërsa kontrollet në banesat e tyre tashmë kanë përfunduar.

Baza e RAF-it është përdorur si pikë operimi përpara nga Forcat Ajrore të SHBA-së prej dekadash.
Në muajt e fundit, bombardues amerikanë janë nisur nga kjo bazë drejt Lindjes së Mesme, pasi Mbretëria e Bashkuar miratoi kërkesën e SHBA-së për ta përdorur atë për sulme mbrojtëse ndaj Iranit.

Presidenti amerikan Donald Trump u tha gazetarëve të martën se ishte “i zhgënjyer” që pesë burrat ishin liruar me kusht.