Faqet qeveritare të internetit në Evropë dhe gjetkë janë mbyllur të mërkurën pas zbulimit të dobësive kritike në një gjuhë programimi të përdorur gjerësisht.
Zhvilluesit e gjuhës së programimit PHP të mërkurën publikuan rregullime të reja urgjente, pas dobësibe që kishin qenë të fshehura në softuerin e tyre për vite me radhë derisa u zbuluan duke përdorur AI-në.
Teksa firmat e teknologjisë paralajmëruan se disa hakerë tashmë po shfrytëzonin të metat, agjencitë qeveritare në të gjithë Evropën ishin ndër ato që i mbyllën faqet e internetit si masë paraprake.
PHP — një gjuhë që daton që nga fillimi i viteve 1990 dhe fillimisht qëndronte për "Faqja Kryesore Personale", mbështet pjesë të mëdha të uebit publik dhe është integruar në faqet ËordPress, Drupal, Joomla dhe Magento, që do të thotë se çdo dobësi kritike ka potencialisht pasoja të mëdha.
"Të gjithë serverët që përdorin çdo version të PHP të lëshuar në 20 vjetët e fundit do të jenë të prekshëm”, ka thënë Tiffany Farriss, drejtoresha ekzekutive e përkohshme e Shoqatës Drupal.
"Ky problem ndikon në pjesën më të madhe të internetit”, ka shtuar ajo.
Agjencitë e sigurisë kibernetike në të gjithë botën u kanë kërkuar përdoruesve të PHP të përditësojnë menjëherë ose të heqin faqet e internetit nga lidhja derisa të mund të aplikohen patch-e.