Dy punëtorë janë nxjerr të gjallë nga tuneli i Hidrocentralit “Trishuli 3A” në Nepal, nëntë ditë pas përmbytjeje të befasishme që shkaktuan më shumë se 1,200 viktima në kufirin mes Nepalit e Tibetit.
Ekipet e shpëtimit po vijojnë punën për të nxjerrë persona të tjerë që dyshohet se kanë mbetur të bllokuar brenda tunelit.
Suresh Raut, një zyrtar i lartë i Autoritetit të Energjisë Elektrike të Nepalit (NEA), i cili ndodhej në vendngjarje, ka thënë për BBC-në se ekipet e shpëtimit po i furnizojnë me oksigjen personat e shpëtuar.
Autoritetet kanë bërë të ditur se njëri prej të shpëtuarve është identifikuar si Sanjaya Shah.
Sipas një zyrtari të lartë të NEA-s, Shah punon si përgjegjës mekanik në këtë institucion.
Suresh Chaudhari, kolegu i Shahut, i ka thënë BBC-së se lajmi për shpëtimin e tij i ka dhënë shpresë se edhe personat e tjerë të bllokuar mund të nxirren të gjallë.
“Jam shumë, shumë i lumtur. Kam pritur me padurim këtë lajm. Kjo na ka dhënë shpresë se edhe të tjerët do të shpëtohen të gjallë”, u shpreh Chaudhari.
Operacionet e kërkim-shpëtimit po vijojnë, ndërsa ekipet po përpiqen të përcaktojnë nëse ka ende persona të tjerë të bllokuar në tunel.