Kapiteni dhe bashkëpiloti i fluturimit FZ1073 të kompanisë Flydubai, i cili është devijuar nga itinerari i tij, kanë mbetur të lënduar në incidentin e mëngjesit të së mërkurën dhe janë dërguar në spital.
Këtë e ka bërë të ditur "Cluster2", operatori kryesor i aviacionit në Arabinë Saudite.
Sipas njoftimit, Aeroporti Ndërkombëtar "Prince Sultan bin Abdulaziz" në Tabuk kishte marrë një thirrje për ndihmë nga avioni i Flydubai, në të cilën kërkohej leje për ulje emergjente në orën 08:44 me kohën lokale.
Aeroporti ka shpallur gjendjen e emergjencës dhe avioni është ulur në mënyrë të sigurt pak më shumë se një orë më vonë.
Operatori i aviacionit ka bërë të ditur se si kapiteni, ashtu edhe bashkëpiloti, ishin dërguar në spital për shkak të lëndimeve, ndërsa pasagjerët ka marrë trajtim mjekësor në terminalin e aeroportit.
Gjithashtu, është kryer koordinimi i nevojshëm për të siguruar një avion zëvendësues pas incidentit të mëngjesit të sotëm.
