Në palestrën “Mizahir Isma” në Rahovec do të zhvillohet ndeshja e Superkupës së Kosovës në basketboll.
Kështu ka vendosur Bordi i Federatës së Basketbollit të Kosovës.
Ndeshja do të zhvillohet më 15 shtator, ndërsa përballen Trepça e Bashkimi. Trepça ka fituar titullin e kampionit dhe Kupën në edicionin e kaluar, por do të luajë për Superkupë me Bashkimin, që humbi garën për të dy trofetë.
Të dy skuadrat kanë bërë përforcime cilësore dhe kanë pretendime maksimale për edicionin e ri. Testin e parë serioz do ta kenë pas një jave.