Dy persona janë intervistuar në Policinë e Gjilanit pasi kanosen familjarët e Egzon Shaltit, që gjatë ditës së sotme u dënua me 25 vjet burgim për “vrasje të rëndë”.
Shalti u dënua për vrasjen e Aulon Ferizit në Viti më 8 shator të vitit 2025. Sipas Prokurorisë, Shalti goditi me veturë pesë persona, ndërsa Ferizi nuk i mbijetoi plagëve. Ai pati mosmarrëveshje me të dëmtuan Valton Gashin.
E pas shpalljes së aktgjykimit, familjarët e viktimës kanosen familjarët e të dënuarit.
Policia ka intervenuar, duke shoqëruar dy persona, të cilët i ka liruar pas intervistimit.
“Me datën 20.10.2026 pas shpalljes së aktgjykimit ndaj të akuzuarit nga Gjykata Themelore në Gjilan lidhur me një rast të vrasjes së rëndë, policia ka ndërmarrë veprimet e nevojshme hetimore lidhur me një rast të dyshuar të kanosjes. Si rezultat dy persona janë shoqëruar nga zyrtarët policorë në Stacionin Policor në Gjilan. Të dyshuarit janë intervistuar në përputhje me procedurat ligjore gjersa në konsultim dhe vendim të Prokurorit të Shtetit rasti procedohet në procedurë të rregullt gjyqësore, ndërsa hetimet do të vazhdojnë nga Hetues Policor të Stacionit Policor në Gjilan në koordinim me Prokurorinë e Shtetit”, thuhet në njoftim.
