Këshilli Prokurorial i Kosovës ka refuzuar miratimin e raportit të punës për Prokurorinë Speciale për vitin 2025. Pas raportimit të kryeprokurorit të Speciales, Blerim Isufaj, raporti mori katër vota kundër.
Para kësaj, pati përplasje mes anëtarëve të KPK-së dhe Isufajt.
Gjatë raportimit derisa anëtarët e KPK-së, bënë pyetje ndaj Isufajt pati ndërhyrje nga kryesuesi i KPK-së, Arian Gashi.
Në një moment kryesuesi Gashi i ka thënë Isufajt se “ka kaluar koha kur anëtarët kanë raportuar para kryeprokurorit”.
Në takim, Isufaj ka prezantuar në shifra punën e vitit 2025.
Ndërkaq nga anëtarët është pyetur se si po rrjedhin informacionet për raste nën hetim e Isufaj në një moment ka thënë se po i duket sikur po raporton “para një komisioni hetimor”.