Përfaqësuesja e Lartë e BE-së për Politikë të Jashtme dhe Siguri, Kaja Kallas, ka takuar kryeministrin e Kosovës, Albin Kurti, dhe presidentin serb Aleksandër Vuçiq, në takime të ndara. Me të dy ka biseduar mbi nevojën për të avancuar në normalizimin e marrëdhënieve Kosovë-Serbi.
Ajo ka theksuar se progresi në normalizimin e marrëdhënieve dhe avancimi në rrugën drejt BE-së duhet të ecin paralelisht.
“Marrëveshjet e arritura përmes Dialogut të lehtësuar nga BE-ja, veçanërisht Marrëveshja e Ohrit, janë të detyrueshme. Zbatimi i tyre nuk është një favor për Brukselin, por një detyrim ndaj qytetarëve të tyre dhe një rajoni që pret marrëdhënie normale”, ka shkruar Kallas në X.
Kallas ka shtuar se BE-ja do të vazhdojë të jetë “ndërmjetësues i paanshëm”.
“Por ndërmjetësimi nuk mund ta zëvendësojë vullnetin politik në Beograd dhe Prishtinë. Është koha për të ecur përpara”, ka shkruar tutje.
I met today with President Vučić and Prime Minister Kurti, and raised the need to advance the normalisation of relations between Belgrade and Pristina.
— Kaja Kallas (@kajakallas) Eylül 22, 2026
Progress on normalisation of relations and advancement on the EU path have to go hand in hand.
The agreements reached through… pic.twitter.com/7q3xetoqOy