Rreth 100 nga 613 sportistët amerikanë që do të marrin pjesë në Lojërat Olimpike “Tokio 2020” janë të pavaksinuar, tha shefi mjekësor i Komitetit Olimpik dhe Paralimpik të SHBA-së, pak para ceremonisë së hapëse të kësaj ngjarjeje. Jonathan Finnoff tha se 567 nga sportistët amerikanë kishin plotësuar historikun e tyre shëndetësor ndërsa përgatiteshin për udhëtimin dhe vlerësohet se 83 për qind prej tyre ishin përgjigjur se ishin të vaksinuar.
"Tetëdhjetë e tre për qind është në të vërtetë një numër i konsiderueshëm dhe ne jemi mjaft të kënaqur me këtë shifër”, tha Finnoff. Kombëtarisht, 56.3 për qind e amerikanëve kanë marrë të paktën një dozë të vaksinës, sipas Qendrave për Kontrollin dhe Parandalimin e Sëmundjeve. IOC-ja, ka vlerësuar se rreth 85 për qind të banorëve të Fshatit Olimpik janë të vaksinuar; kjo bazohet në atë që raporton komiteti olimpik i secilit vend.
Deri më tani, vetëm dy sportistë amerikan dihet se kanë rezultuar pozitiv me koronavirus dhe janë në mesin e 13 rasteve të sportistëve të raportuar deri më tani në Fshatin Olimpik.
-
23 korrik 2021 10:06
-
Shpërndaje në: