Tech

Vjen SIM kartela që do të shënojë histori

Zëvendësimi i kartelës SIM është i integruar direkt në procesor, i cili merr më pak hapësirë ​madje edhe nga teknologjia eSIM, ajo e përdorur në Google Pixel 2 dhe orët e mençura Apple.

Konceptualisht, iSIM nuk ndryshon në mënyrë drastike nga eSIM, por është dukshëm më i vogël, transmeton KosovaPress.

Ndërsa eSIM zë një sipërfaqe brenda telefonit të mençur gjashtë herë pesë milimetra, iSIM mund të vendoset në një sipërfaqen e madhësisë një milimetër herë milimetër.

Futja e iSIM mund të krijojë hapësirë për më shumë RAM ose bateri më të madhe në telefonat inteligjentë, por edhe në pajisjet mobile dhe tableta.

Në këtë kartelë, në teori, duhet të mundësohet vendosja e sigurt e të dhënave të kontakteve, parametrat e operatorëve të telekomit dhe të dhëna të tjera të dobishme, dhe sinkronizimi me ruajtje në re, shkruan Tech Radar.

Megjithatë, duket se teknologjia e re së shpejti do të jetë në gjendje të implementohet në pajisjet nga domeni i gjërave të internetit.