Në “IFA 2017” kemi parë që kompania Alcatel ka zbuluar katër telefona të rinj.
Nga kjo kompani nuk kemi parë ndonjë telefon të avancuar që nga Idol 4s me Windows Phone, i cili është lansuar 18 muaj më parë, transmeton Koha.net. Tani, llogaria e famshme në Twitter, evleaks, ka publikuar një fotografi në të cilën shihet smartfoni i ri premium i quajtur alcatel 5.
Duke u bazuar në fotografinë e publikuar, alcatel 5 duket se do të ketë një kamerë kryesore me blicin e dyfishtë LED dhe sensorin për gishtërinj menjëherë nën të. Ndërsa në pjesën e përparme, shihet që telefoni i ri i avancuar ka dy kamera për ‘selfie’ me blic LED. Gjithashtu, alcatel 5 pritet të ketë ekran me raport 18:9.
Specifikat tjera ende nuk janë zbuluar, por TCL Communication, pronari i brendit alcatel, do të mbajë një ngjarje javën e ardhshme në panairin e teknologjisë “CES 2018”, ku do të kemi mundësi të shohim debutimin e alcatel 5.
-
7 janar 2018 10:14
-
Shpërndaje në: