Tech

NASA: Një asteroid do të kalojë shumë afër Tokës të shtunën

Një asteroid do të kalojë shumë afër Tokës të shtunën, sipas një përditësimi të shërbimit të NASA-s.

Me një gjatësi të vlerësuar prej 122 metrash, asteroidi 2016 CZ31 është në rrugën e tij drejt planetit dhe pritet të kalojë rreth 2.8 milionë kilometra nga sipërfaqja e Tokës.

Afrimi i asteroidit parashikohet në orën 2.02 të mëngjesit të së shtunës, sipas laboratorit Jet Propulsion të agjencisë amerikane të hapësirës.

Newsweek shkruan se shpejtësia e asteroidit është rreth 55,500 kilometra në orë, që është rreth 17 herë më shpejtë se një plumb arme dhe më shpejtë edhe se rrufeja.

Ky asteroid nuk konsiderohet “potencialisht i rrezikshëm” sepse gjatësia e tij nuk i kalon 150 metra, megjithëse distanca maksimale e tij nga planeti Tokë më 30 korrik, do të jetë dukshëm më e vogël se distanca e vigjilencës prej 7.5 milionë kilometrash. Për t’u klasifikuar si “potencialisht i rrezikshëm” duhet të plotësohen të dy kriteret. /abcnews