Tech

Google përmirëson kërkimin për informacionin ndaj vaksinave

AstraZeneca, CoronaVac, Moderna, Pfizer, Sputnik janë vetëm disa nga emrat me të cilët vaksinat antiCOVID-19 kërkohen në internet.

Midis fjalëve shoqëruese dhe drejtshkrimeve, ndodh shpesh që njerëzit të kërkojnë diçka në lidhje me trajtimet kundër COVID-19 pa përdorur emrin e saktë të vaksinës.

Për këtë arsye, gjiganti i internetit ka përdorur një algoritëm pronësie, i njohur si MUM (Multitask Unified Model), me qëllimin për të përmirësuar dhe bashkuar të gjitha variantet e njohura nominale për kushtet e vaksinave.

Algoritmi ka identifikuar të paktën 800 prej tyre në mbi 50 gjuhë dhe tani kushdo që kërkon informacion në lidhje me vaksinat ka shumë më shumë mundësi të drejtohet në faqet e duhura, sesa të marrë rezultate të parëndësishme.

“Përdoruesit që kërkojnë informacion për një vaksinë mund të shkruajnë fjalë si Coronavaccin Pfizer, mRNA-1273, CoVaccine dhe më shumë. Aftësia jonë për të identifikuar në mënyrë korrekte të gjitha këto terma është thelbësore, për të ofruar të dhëna më të përditësuara dhe të besueshme mbi vaksinën”, shpjegoi ekipi i Googlet.

Një nga risitë e algoritmit është që, sapo të mësohet një njohuri e një gjuhe, automatikisht e transferon atë te të gjithë të tjerët, që do të thotë se MUM kërkon shumë më pak të dhëna, sesa modelet e mëparshme për të përmbushur të njëjtën detyrë. \atsh