Tech

Zyrtarët demokratë akuzojnë Facebookun se ua kishte pezulluar disa reklama gjatë fushatës

Udhëheqësit e fushatës së kandidatit demokrat, Joe Bidenit, ka akuzuar rrjetin social Facebook se ua ka humbur mbi 500 mijë dollarë në disa donacione, lidhur me sistemet e reklamave.

Facebook ka pranuar gjatë se enjtes se kishte ndodhur një “defekt teknik” që e kishte parandaluar shfaqjen e disa reklamave gjatë kësaj jave.

“Ne jemi pesë ditë larg ditës së zgjedhjeve dhe besojmë se reklamat duhet të shfaqen siç duhet, ose në të kundërten, kundërshtarëve tanë po u jepet avantazh i padrejtë partiak”, ka deklaruar drejtori i fushës dixhitale të Bidenit.

Ndërkohë, rrjeti social ka thënë se çështje teknike kanë ndikuar në të dy fushatat presidenciale.

CNN ka vëzhguar fushatën e kandidatit të republikanëvë, Donald Trumpit, dhe ka kuptuar se dy kandidatët përdorin reklama në Facebook dhe kanë shpenzuar dhjetëra miliona dollarë gjatë këtij viti.

Fushatat e Bidenit ka qenë kritike ndaj Facebookut në këto zgjedhje, duke thënë se ky rrjet social ka lejuar edhe publikimin e gënjeshtrave, duke aluduar në kundërkandidatin Trump.

Ndërkohë, Facebook kishte njoftuar gjatë shtatorit se do kufizonte reklamimet politike dhe se organizatat apo mediumet që merren me verifikimin e lajmeve, mund t’i konstatonin nëse janë të vërteta apo jo.