G.Skill sjell memorien DDR4-4000 CL15 32GB

G.Skill sjell memorien DDR4-4000 CL15 32GB

22 October 2019 23:10

Kompania G.Skill e ka paralajmëruar memorien e re me latencë të ulët: DDR4-4000 CL15-16-16-36 me kapacitet prej 32 ​​GB (8 GB x4), në kuadër të serive të veta Trident Z dhe Trident Z Royal të pajisura me RGB. Kitet memorike u krijuan me ndihmën e IC-ve Samsung B-die për ta arritur një latencë prej CL15 në DDR4-4000, raporton TechPowerUp.

Kitet memorike të reja DDR4-4000 CL15-16-16-36 32 GB (8 GB x4) punojnë në 1.5V dhe janë të validuara në pllakën amë MSI MEG Z390 ACE dhe procesorin Intel Core i7-9700K.

Image

Latenca e ulët e CAS zakonisht e nënkupton një rritje të performancës së bandwidthit të memories, dhe ky është rasti për memorien e përmendur kur përdoret edhe në platformën AMD Ryzen, shkruan KOHA Ditore. Me memori kitet DDR4-4000 CL15, procesori AMD Ryzen 9 3900X arrin bandwidth të memories për lexim prej 61 GB/s në AIDA64, së bashku me mbi 58 GB/s në shpejtësi të regjistrimit të memories dhe 65 GB/s gjatë kopjimit.

Memoria e mbështet Intel XMP 2.0 për overclockim të lehtë dhe do të jetë në dispozicion përmes partnerëve globalë distributivë të kompanisë G.Skill gjatë tremujorit të katërt të vitit 2019.

© KOHA

Komentet

Shto koment

Të ngjashme