Tech

Azhurnimi për Chrome do t’i parandalojë sajtet që ta kontrollojnë Incognito Mode

Incognito Mode i Chrome kohët e fundit nuk po funksionon siç është planifikuar - disa sajte tani po kontrollojnë nëse ekziston shikimi privat dhe po këmbëngulin që përdoruesi të logohet para se t’i lejohet që ta lexojë artikullin. Google e sheh këtë si një lëshim dhe planifikon ta korrigjojë këtë situatë, raporton Engadget.

Kompania do ta prezantojë më 30 korrik Chrome 76, me të cilin do ta korrigjojë situatën ku sajtet e kontrollojnë FileSystem framework të Chrome (i pamundësuar në Incognito mode) dhe ta shfrytëzojnë mungesën e tij për detektimin e seancave private, shkruan KOHA Ditore. Google gjithashtu do t’i ndryshojë të gjitha metodat e tjera që do ta detektojnë Incognito Mode në të ardhmen.

Gjiganti i internetit thekson se bëhet fjalë për respektimin e qëllimit themelor të Incognito mode: ruajtjen e privatësisë.

Ky hap i Google do t’i plotësojë me siguri kërkesat e përdoruesve të cilët besojnë se modet e kërkimit privat po e humbasin rëndësinë, ndërsa disa (si publikuesit dhe mediat) do të përpiqen që në të gjitha mënyrat të vazhdojnë ta detektojnë Incognito Mode.