Roboti katërkëmbësh, në gjendje të tërheqë një mini-aeroplan prej tre tonësh, është italian.
I dizajnuar për të ndihmuar njerëzit në situata emergjente, si tërmetet dhe zjarret, quhet HyQReal dhe u krijua nga Instituti Italian i Teknologjisë (IIT) dhe kompania Moog me mbështetjen e fondeve të BE-së, si pjesë e projektit Echord.
Roboti u paraqit në Konferencën Ndërkombëtare për Robotikën dhe Automatizimin (ICRA 2019) që po zhvillohet në Kanada.
“Tërheqja e një avioni na ka mundësuar të tregojmë fuqinë e robotit, pavarësinë energjetike dhe të nxjerrë në pah një dizajn që është i përshtatshëm për përdorimet e tij”, tha Claudio Semini, udhëheqës i grupit IIT.
“Ne donim të provonim diçka që nuk ishte bërë kurrë më parë dhe javën e kaluar ia arritëm”, shtoi ai.
Prototipi, 0,9X1,33 metra dhe që peshon 130 kilogram, në fakt u testua në terren në sajë të mbështetjes së aeroportit të Gjenovës, ku demonstroi gjithë fuqinë e tij duke tërhequr një avion pasagjerësh./atsh
-
24 maj 2019 22:40
-
Shpërndaje në: