Hava Maloku

Flutra Osmani

Më mungojnë aspekte të ndryshme të jetesës, sikurse edhe nga vendet e ndryshme ku kam jetuar. Disa prej tyre janë: komuniteti dhe afërsia me njerëz, mungesa e protokollit të tepruar mes njerëzve, sensi i humorit që kanë njerëzit të kalitur nga jeta jo fort e lehtë. Nganjëherë rastisi në ndonjë bimë apo erë që ma kujton fëmijërinë ose ndonjë përvoje loje nëpër lagjet e Prishtinës.

Arben Merkoçi

Shqiptarët e mërguar jashtë janë një mundësi e shkëlqyer për të ndihmuar Shqipërinë. Ata në fakt e kanë ndihmuar dhe vazhdojnë të japin kontributin e tyre. Ajo që mungon është ndoshta një organizëm/institucion i veçantë në qeverinë shqiptare që duhet ta shikojë me shumë vëmendje dhe të gjejë mekanizma të ndryshme për përfshirjen e shqiptarëve që janë jashtë në aktivitete të ndryshme me interes për vendin.

Ornela Ademi

Më mungon ndër të tjera të zgjohem në mëngjes, të dal një shëtitje anës detit dhe të ndjej aromën e jodit. Më mungon po ashtu kuzhina shqiptare dhe mundësia për të vizituar spontanisht të afërmit e mi.

Kristo Papa

Është thelbësore, kur jemi larg të kthehemi herë pas here në vendin tonë të fëmijërisë: të gjejmë brenda nesh ato pjesë origjinale të vetes që në udhëtimin e gjatë të botës dhe të jetës kemi lënë mënjane dhe harruar për pak: me pak fjale të gjejmë veten

Kujtim Dobruna

Në fakt, unë asnjëherë nuk kam reshtur së kthyeri në Kosovë. E gjithë veprimtaria ime private e profesionale, e gjithë karriera ime lidhet me Kosovën.

Dea Luma

Qëllimi im ka qenë gjithmonë që të krijoj eksperiencë pune e shkollimi jashtë, ashtu që në ndonjë mënyrë apo tjetrën ta transmetoj atë në Kosovë.

Tony Jeton Selimi

Më pëlqen të dërgoj miqtë dhe klientët e mi atje, më pëlqen të vizitoj varret e prindërve të mi, të takohem me miqtë dhe familjen, të udhëtoj në vende të ndryshme si Ohër, Mavrovë, Shkup, Kratovë, Manastir, Strugë dhe të shijoj kënaqësitë e kuzhinës të ofruara pa marrë parasysh ku unë udhëtoj derisa jam atje për vizitë.

Gani Jakupi

Gjatë një kohe kam hequr dorë nga të gjitha aktivitetet tjera dhe i jam përkushtuar gazetarisë vetëm me qëllim që të jem zëri i Kosovës në Francë, e më vonë në Spanjë.

Micky – Mithat Haxhiislami

Mbaj lidhje shumë të afërta me Kosovën, në çdo aspekt. Atdheu dhe familja për mua, sikurse edhe për shumë bashkëvendës të mi, janë gjithëçka, arsyet primare të jetës time.

Dafina Eshrefi

Dhashtë zoti në të ardhmen do të blej një copë toke në Kosovë. Sepse është toka nga vij unë. Jam regjistruar enkas për të pasur të drejtën të blej tokë në Kosovë.

Habib Jakupi

Një mergimtar nga Kosova e jeton jetën e vet në perëndim me idenë e kthimit në vendlindje! Është një ide e veçantë, magjike do të thosha!