43 vjet kishte dallim mes kampiones gjermane të botës te junioret, 20-vjeçares Annett Kaufmann dhe 63-vjeçares Ni Xia Lian të Kinës që përfaqëson Luksemburgun.
Pavarësisht se Kaufmann fitoi 4:1 në sete në ndeshjen e 1/8 së finales së Kampionatit Evropian të pingpongut në Slloveni, paraqitja e Lianit impresionoi të gjithë.
“Nuk ishte ndeshje e lehtë. Kam fituar shumë sete ndaj saj. Por, është shumë e vështirë të luash pingpong ndaj një lojtareje si ajo”, deklaroi pas ballafaqimit Kaufmann.
Kaufmann fitoi 11:9 në dy setet e para, ndërsa të tretin e fitoi Lian 11:6. Kaufmann nuk lejoi befasi dhe fitoi 12:0 në setin e katërt dhe 11:1 në setin e pestë, për fitoren që ia siguroi vendin në çerekfinale.
Lian në vitin 1983 u shpall kampione e botës me Kinën. Luksemburgun e përfaqëson prej vitit 1991. Ishte kampione evropiane në vitet 1998 dhe 2002.