Умро комичар Реџи Мекфаден из серије „У живим бојама“

Reggie McFadden, komediani i njohur për paraqitjet e tij në serialin e famshëm amerikan “In Living Color”, ka vdekur në moshën 57-vjeçare, ka shkruar Рок.

Lajmin për vdekjen e tij e ka konfirmuar motra e tij, Bernice McFadden, e cila ka thënë se familja u njoftua nga Departamenti Amerikan i Shtetit se Reggie ka vdekur në Tanzani, vend ku ka jetuar prej disa vitesh. Shkaku i vdekjes nuk është bërë i ditur.

Lajmi është pritur me trishtim edhe nga kolegë të tij. 

“Pusho në paqe, kolegu im komedian Reggie McFadden. Edhe një tjetër vëlla veteran i humorit që u largua nga kjo botë”, ka shkruar në Facebook, komediani Tony Luewellyn.

McFadden, i lindur në Brooklyn të New Yorkut, iu bashkua kastit të projektit filmik “In Living Color” në vitet 1993-1994, ku interpretoi personazhe të ndryshme në serialin e njohur humoristik.

Gjatë karrierës së tij, ai u shfaq edhe në seriale të tjera televizive, përfshirë “Martin”, “Hangin’ with Mr. Cooper”, “Coach”, “Moesha”, “Getting Personal” dhe “Curb Your Enthusiasm”. Në kinema, ai ishte pjesë e filmave “Jacob’s Ladder” dhe “Little Nicky”.

McFadden kishte realizuar edhe një speciale humori për Comedy Central dhe për vite me radhë ishte një performues i rregullt në skenat e Las Vegasit.

Vdekja e tij shënon humbjen e një prej emrave të njohur të brezit të komedianëve që u bënë pjesë e historisë së “In Living Color”, një prej emisioneve më të rëndësishme të humorit në televizionin amerikan.